მადრიდის „რეალში“ ჯუდ ბელინგემის ოპერაციასთან დაკავშირებით აზრები ორად იყოფოდა, თუმცა როგორც იქნა, მხარეებმა გადაწყვეტილება მიიღეს.

ინგლისელი ფეხბურთელი მსოფლიო საკლუბო ჩემპიონატზე ამერიკის შეერთებულ შტატებში აუცილებლად გაემგზავრება, ხოლო მხრის ოპერაციას ტურნირის დასრულების შემდეგ გაიკეთებს.

ეს იმას ნიშნავს, რომ ბელინგემი პრე-სეზონს სრულად გამოტოვებს და გუნდს სექტემბრის თვეში, უკვე დაწყებულ ტურნირებზე შეუერთდება.

ჩაბი ალონსომ ფლორენტინო პერესს აუხსნა, რომ ბელინგემის ყოლა ამერიკაში ძალიან მნიშვნელოვანია, თანაც იმ ფონზე, რომ გუნდში ძალიან დიდი ტრავმიანობა სუფევს.