ლუკა მოდრიჩის მიმართ მადრიდის „რეალს“ ძალიან დიდი პატივისცემა აქვს, მაგრამ უნდა აღინიშნოს, რომ ხორვატი ფეხბურთელის გუნდში დარჩენა სხვა ფეხბურთელების შანსებს ამცირებს.

ჩაბი ალონსოს სურს, რომ არდა გიულერს მეტი დრო მისცეს, იგივეს თქმა შეიძლება ნიკო ფასზეც, რომლის დაბრუნების პროცედურებსაც ფლორენტინო პერესი მალე განახორციელებს.

თუ მოდრიჩი დარჩება, გუნდში სხვა ფეხბურთელების შანსი შემცირდება, ეს საკითხი საკმაოდ დიდ ყურადღებას საჭიროებს.

გამომდინარე იქედან, რომ ჩაბი ალონსო ხორვატ მოთამაშეს დიდ პატივს სცემს და მისი დარჩენის წინააღმდეგი არ არის, შესაძლოა მოლაპარაკება მაინც შედგეს, თუმცა ყველაფერი მაინც იმ შეხვედრაზე იქნება დამოკიდებული, რომელსაც ლეგენდარული ნახევარმცველი გუნდის ხელმძღვანელობასთან გამართავს.