მიუხედავად იმისა, რომ ლუკა მოდრიჩი „რეალის“ სასტარტო შემადგენლობის ფეხბურთელად არ ითვლება და ფაქტობრივად მე-12 მოთამაშის სტატუსი აქვს მორგებული, მისი მაჩვენებლები თვალსაჩინოა.

ლუკიტას ანგარიშზე ამ სეზონში უკვე 56 შეხვედრა დაგროვდა. მართალია მისი წუთობრივი მაჩვენებლები 2 800-ის ფარგლებში მერყეობს, მაგრამ ფაქტია, რომ მას საქმეში ხშირად ვხედავთ.

ერთადერთი ფეხბურთელი, რომელსაც ამ სეზონში მოდრიჩზე მეტი შეხვედრა აქვს ჩატარებული, ფედერიკო ვალვერდე გახლავთ. ურუგვაელი მოედანზე 58-ჯერ გავიდა და მის ანგარიშზე 4939 წუთია.