ესპანური გამოცემების ცნობით, ალვარო კარერასის მადრიდის „რეალში“ გადასვლამდე 1 ნაბიჯია დარჩენილი.

მხარეებს შორის სიტყვიერი შეთანხმება მიღწეულია. ახალგაზრდა ესპანელი ფეხბურთელი კვლავ „რეალის“ რიგებში დაბრუნდება, მისი ოცნება ფაქტობრივად ახდენილია.

რაც შეეხება კლუბებს შორის მოლაპარაკებებს. მადრიდული გამოცემების ცნობით, ეს მხოლოდ დროის საკითხია და ძალიან მალე ოფიციალური განცხადება გაკეთდება.

ალვარო „რეალთან“ 6 წლიან კონტრაქტს მოაწერს ხელს, რომელიც განაპირა მცველის „ბლანკოსის“ რიგებში დარჩენას 2031 წლის 30 ივნისამდე გაითვალისწინებს.