მადრიდის „რეალს“ არსებობის ისტორიაში 50 მილიონ ევროზე მეტი არცერთ მცველში არ გადაუხდია, მაგრამ დინ ჰოისენის ტრანსფერმა ისტორიის ახალი ფურცელი გადაშალა.

აქამდე ყველაზე ძვირადღირებული მცველები ედერ მილიტაო და ფერლან მენდი იყვნენ, მათ სანაცვლოდ ფლორენტინო პერესმა დამატებითი ბონუსებისა და ვალდებულებების ჩათვლით 50  და 48 მილიონი ევრო გადაიხადა.

რაც შეეხება ჰოისენს. საერთო ხარჯი ესპანელ მცველთან დაკავშირებით 58 მილიონ ევრომდე იქნება, რაც ასევე მოიცავს მომდევნო სეზონში ჩასატარებელი მატჩების კონკრეტულ რაოდენობას.

დინი „ბლანკოსის“ ყველა დროის ყველაზე ძვირადღირებული მცველი იქნება.

ასევე შეგახსენებთ, რომ სამეფო კლუბი ჰოისენის ტრანსფერის 50%-ს ამ ზაფხულს გადაიხდის, დანარჩენს კი 2026 წლის 31 დეკემბრამდე.