მადრიდული გამოცემების ცნობით, რამდენიმე დღეში მადრიდის „რეალის“ პრეზიდენტისა და ლუკა მოდრიჩის შეხვედრა შედგება.

ფლორენტინოს არ სურს შუამავლები და პირადად აპირებს ხორვატ ლეგენდასთან საუბარს. 

ეს იქნება კიდევ ერთი ჟესტი და გამოხატულება იმისა, თუ რამხელა პატივს სცემს მადრიდული გრანდი ლეგენდარულ ნახევარმცველს.

შეხვედრაზე მხარეები სამომავლო პერსპექტივას განიხილავენ. უკვე ცნობილია, რომ მოდრიჩს დარჩენა სურს და მზად არის, ხელფასის განახევრებასაც კი დათანხმდეს.

ლუკიტას მიზანი მსოფლიოს 2026 წლის ჩემპიონატზე „რეალის“ ფეხბურთელის რანგში თამაშია.