ლუკა მოდრიჩს სამეფო კლუბის რიგებში დარჩენა სურს და მზად არის, ხელფასი გაინახევროს.

ლუკიტას მიზანი ბერნაბეუზე კიდევ 1 წლით თამაში და მსოფლიოს 2026 წლის მუნდიალზე „რეალის“ ფეხბურთელის რანგში წასვლაა.

მოდრიჩი ამ სეზონშიც ამტკიცებს, რომ კიდევ შეუძლია მოწოდების სიმაღლეზე დგომა. მას აღარ აქვს პრეტენზია მუდმივად სასტარტოში ყოფნაზე, თუმცა, მაინც ძალიან ბევრ შეხვედრაში იღებს მონაწილეობას.

ლუკიტას ბედს ჩაბი ალონსო გადაწყვეტს, რომელმაც გუნდის დაკომპლექტება უკვე დაიწყო.

აღსანიშნავია, რომ მიმდინარე სეზონში ხორვატი ლეგენდის ანგარიშზე უკვე არის 55 დაპირისპირება და 2 686 წუთი.