ანჩელოტი:„ჰოისენი ფანტასტიკური შენაძენია, „რეალი“ მწვერვალზე დაბრუნდება“
კარლო ანჩელოტიმ „სევილიასთან“ შეხვედრის წინ პრესკონფერენცია გამართა.
„სანჩეს პისხუანზე თამაში არასდროს არის მარტივი. მივიჩნევ, რომ შეგვიძლია გამარჯვება. ჩვენი მიზანი სეზონის ღირსეულად დასრულება იქნება. „მალიორკასთან“ ბევრი მომენტი გვქონდა და იმედი მაქვს, ახლაც ეფექტური შეხვედრა გამოვა და 3 ქულას ჩავიწერთ აქტივში.“
„მსურდა, რომ ლა ლიგისთვის ბოლომდე მებრძოლა, მაგრამ ასე არ მოხდა. ამ სეზონში ყველაფერი რიგზე ვერ იყო.“
„ჩემი სამწვრთნელო შტაბი, ერთი ოჯახივით არის. ჩვენ ყოველთვის ვუზიარებთ აზრებს ერთმანეთს. დავიდეს მნიშვნელოვანი როლი აქვს, მან წლების განმავლობაში უდიდესი გამოცდილება მიიღო და სასარგებლო რჩევებს მაძლევს. ძალიან მნიშვნელოვანია ყველა კომპონენტი, რომელსაც ყურადრება ექცევა.“
„ლა ლიგაში „ბარსელონა“ უფრო სტაბილური იყო და ჩემპიონიც გახდა. ისინი ლამაზ და ეფექტურ ფეხბურთს თამაშობდნენ, სწორედ ამიტომ ვულოცავ გამარჯვებას. მომდევნო სეზონში „რეალი“ უფრო ძლიერი იქნება და წარმატებას მიაღწევს.“
„დინ ჰოისენი ფანტასტიკური ფეხბურთელია, „რეალმა“ მისი სახით ძალიან მნიშვნელოვანი ფეხბურთელი დაიმატა, რომელსაც პერსპექტივა აქვს. შარშან ჩვენ გვყავდა მცველების საჭირო რაოდენობა, მაგრამ ტრავმიანობამ ძალიან სერიოზული პრობლემები შექმნა. ახლა ეს ტრანსფერი საჭირო იყო.“
„მბაპე? მას ჰქონდა, როგორც კარგი, ასევე ცუდი მომენტები, მაგრამ როდესაც სეზონში 40 და მეტ გოლს იტან, კრიტიკა მიუღებელია. ფრანგი ფეხბურთელი კიდევ მოუმატებს, ის უნიკალური თვისებების მქონე ფიგურაა.“
„სხვა ტრანსფერზე ახლა საუბარს არ ვაპირებ და არც მოვლენებს ვუსწრებ წინ.“
„გუნდს ჰყავს ჯუდი, ვალვერდე, ვინისიუსი, კამავინგა და სხვები. მერწმუნეთ, „ბლანკოსის“ მომავალი საიმედო ხელშია.“
„ის, რომ ყველა სეზონში წარმატების მიღწევა შეუძლებელია, ახალი არ არის. როგორც უკვე აღვნიშნე, „ბლანკოსი“ დაბრუნდება მოწოდების სიმაღლეზე.“
- 17 მაი 2025
- 1 811
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
