მადრიდის „რეალის“ ახალი შენაძენი 20 წლის დინ ჰოისენია.

დინი 2005 წელს ამსტერდამში დაიბადა, თუმცა მალე გადაცხოვრდა ესპანეთში და მისი პროფესიული კარიერაც იქ დაიწყო.

ჰოისენი გახლავთ ესპანეთის ნაკრების წევრიც.

20 წლის ასაკში დინმა რამდენიმე კლუბში მოღვაწეობა მოასწრო. მან „მალაგას“ ახალგაზრდულ გუნდებში 2015-2021 წლებში ითამაშა, შემდეგ კი იყო „იუვენტუსის“ ახალგაზრდული და მთავარი გუნდი, „რომა“ და „ბორნმუთი“.

ჰოისენი ასევე წარდგენილია პრემიერლიგის 2024/25 წლების სეზონის საუკეთესო ახალაზრდა ფეხბურთელის ნომინაციაზე.

ამ სეზონში დინი „ბორნმუთის“ დაცვის ხაზის უდავო ლიდერად მოგვევლინა. ფეხბურთელმა მხოლოდ პრემიერლიგაში უკვე 30 შეხვედრა დააგროვა, მის ანგარიშზე ასევე არის მატჩები ინგლისის თასზე.

დინი „ფურია როხას“ დამრიგებლის, ლუის დე ლა ფუენტეს ერთ-ერთი ფავორიტი გახლავთ, ესპანეთში მასზე უდიდეს იმედებს ამყარებენ.