ანჩელოტი;„26 მაისიდან „რეალის“ მწვრთნელი აღარ ვიქნები“
კარლო ანჩელოტიმ „მალიორკასთან“ დაპირისპირების წინ პრესკონფერენცია გამართა.
„„მალიორკა“ კარგად ორგანიზებული გუნდია, მაგრამ ჩვენ გვსურს, რომ მომდევნო 3 ტურში 9 ქულა მოვიპოვოთ და ლა ლიგა ღირსეულად დავასრულოთ.“
„ძალიან ბევრი ფეხბურთელი გვაკლია, შემადგენლობა ფაქტობრივად განახევრებულია, მაგრამ ვფიქრობ, გამარჯვების რესურსი არსებობს.“
„26 მაისიდან ბრაზილიის ნაკრების მთავარი მწვრთნელის სტატუსს მოვირგებ, მანამდე კი მსურს, რომ „რეალში“ მოწოდების სიმაღლეზე ვიდგე და დარჩენილი შეხვედრა მოვიგო. სიცოცხლის ბოლომდე ამ გუნდის გულშემატკივარი ვიქნები და არასდროს დავივიწყებ თვეებს და წლებს, რომელიც ესპანეთის დედაქალაქში გავატარე. ეს კლუბი ჩემი ცხოვრებისთვის ძალიან მნიშვნელოვანი იყო.“
„უკვე მაქვს უფლება, რომ ეს განცხადება გავაკეთო, „რეალში“ მხოლოდ 2 კვირა დამრჩა.“
„ყველაფერს აქვს დასაწყისი და დასასრული, მათ შორის ჩემს მადრიდულ ცხოვრებას. არ ვიცი, როდის გააკეთებ ოფიციალურ განცხადებას სამეფო კლუბი, თუმცა ალბათ ამას ახლა გადამწყვეტი მნიშვნელობა აქვს. მე გიდასტურებთ, რომ 26 მაისიდან სხვა რანგში წარვდგები.“
„ბოლო სეზონი უტიტულო გამოდგა, მაგრამ დამწუხრებული არ ვარ. როდესაც 2021 წელს აქვს მოვედი, ვინმეს რომ ეთქვა 11 ტიტულს მოვიგებდი და მათ შორის 2 ჩემპიონთა ლიგა იქნებოდა, აღფრთოვანებული დავრჩებოდი.“
„ჩაბი ალონსო? მას რჩევები არ სჭირდება. ესპანელ სპეციალისტს ყველაფერი აქვს იმისთვის, რომ უბადლო მწვრთნელი გახდეს.“
„მადრიდული დრო ფანსტასტიკურად გავატარე და არაფერს ვნანობ. მე აქ სწორად ვიმუშავე, ბევრი ტიტული მოვიგე და ქომაგები გავახარე. ყველაფერი შესანიშნავადაა.“
„არასდროს მიგვრძვნია, რომ მე აქ ზედმეტი ვარ. კლუბის ხელმძღვანელობის მხრიდან ყოველთვის დიდ მხარდაჭერას და პატივისცემას ვგრძნობდი. სამუდამო არავინ არის, მათ შორის მეც.“
„როდრიგო გოეშს ტემპერატურა ჰქონდა, შემდეგ გაიარა რამდენიმედღიანი კურსი. ახლა მას ბარჭაყის პრობლემა აქვს და შეფასებას საჭიროებს, ბრაზილიელი „მალიორკას“ წინააღმდეგ ჩვენს განკარგულებაში არ იქნება.“
„მე გოეშის მიმართ განსაკუთრებული სიყვარული მაქვს, ის ძალიან მაღალი პროფესიონალია.“
„დარწმუნებული ვარ, „რეალის“ ქომაგებს ვუყვარვარ. ეს სეზონი უფერული გამოდგა, მაგრამ საღამოები, რომელიც ჩემი თავკაცობის კვალდაკვალ ბერნაბეუზე შედგა, ნამდვილად დაუვიწყარია.“
- 13 მაი 2025
- 1 950
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
