ესპანური გამოცემების ცნობით, მადრიდის „რეალი“ კარლო ანჩელოტის გრანდიოზულად დაემშვიდობება და ამ ღონისძიების კონცეფცია გუშინ დამტკიცდა.

შესაბამისმა ჯგუფმა ფლორენტინო პერესს გამოსამშვიდობებელი ღონისძიების ყველა დეტალი გააცნო და პრეზიდენტისგანაც უკვე არსებობს თანხმობა.

არანაირი გაუგებრობა. ეს იქნება ემოციური გამომშვიდობება და მადლობის თქმა იმისთვის, რაც კარლომ „რეალისთვის“ გააკეთა.

პერესი ყველას მოუწოდებს, რომ არ დაივიწყოს ღვაწლი, რომელიც ანჩელოტის მადრიდული გრანდის მიმართ აქვს. „ბლანკოსმა“ იტალიელ სპეციალისტთან ერთად 3-ჯერ მოიგო ჩემპიონთა ლიგა, 15 ტიტულით კი კარლიტო ისტორიაში ყველაზე ტიტულოვანი სპეციალისტია.