„ას“-ის ინფორმაციით, მადრიდის „რეალის“ ხელმძღვანელობამ ჩაბი ალონსოს ფიზ.მომზადების სპეციალისტის პოზიციაზე ანტონიო პინტუსის დატოვება შესთავაზა, მაგრამ ბასკი სპეციალისტი უარზეა.

ესპანელი დამრიგებელი მიიჩნევს, რომ მისი გუნდი არ უნდა დაიშალოს და „ლევერკუზენიდან“ 3 ასისტენტი მოჰყავს, მათ შორის არის ფიზ.მომზადების სპეციალისტიც.

პინტუსი საკუთარ პროფესიაში ერთ-ერთი ყველაზე გავლენიანი და ავტორიტეტული პირია, მაგრამ ფაქტია, რომ ალონსოს გემოვნებაში არ ჯდება.

ამას ემატება გამუდმებული ტრავმები და პრობლემები, რომელიც გუნდს ფიზიკური თვალსაზრისით აქვს, ეს კი ანტონიოს რეპუტაციულ ზიანს აყენებს.

სეზონის დასრულების შემდეგ, პინტუსი გუნდს დატოვებს, მისი სამსახურით კი ძალიან ბევრი კლუბი ინტერესდება.