მიუხედავად იმისა, რომ მადრიდის „რეალს“ კარლო ანჩელოტისთან დამშვიდობების შესახებ ოფიციალური განცხადება ჯერ არ გაუკეთებია. სულ ცოტა ხნის წინ ბრაზილიის ფეხბურთის ფედერაციამ ოფიციალური განცხადებით დაადატურა იტალიელ სპეციალისტთან თანამშრომლობა.

მწვრთნელობის მეორე ეტაპზე, ანჩელოტი „რეალს“ სათავეში 2021-2025 წლებში ედგა და 4 სეზონის განმავლობაში ძალიან მნიშვნელოვანი ტიტულების მოგება შეძლო.

2022 და 2024 წელს კარლოს ანგარიშზე ჩემპიონთა ლიგის 2 თასი ფიქსირდება, ამას კი ემატება სხვა ჯილდოებიც, რომელიც მართლაც თვალსაჩინოა.

ზემოხსენებული ჩემპიონთა ლიგის გარდა ანჩელოტი ასევე 2-ჯერ მოიგო ევროპის სუპერთასი, ასევე 2-ჯერ ლა ლიგა, ერტხელ სამეფო თასი, ერთხელ მსოფლიო საკლუბო მუნდიალი და ერთხელ ინტერკონტინენტალის თასი.

ასევე აღსანიშნავა, რომ ის გუნდს სათავეში 2013-2015 წლებშიც ედგა, ჯამურად კი „რეალში“ 6 წლის განმავლობაში იმუშავა და 15 ტიტული მოიგო, ეს კი ისტორიაში საუკეთესო შედეგია.

არავის დაავიწყდება დრამატული შეხვედრები ჩემპიონთა ლიგაზე „პსჟ“-სთან, „სიტისთან“, „ჩელსისთან“, „ლივერპულთან“, „დორტმუნდთან“ და ასე შემდეგ.

ანჩელოტის ბოლო სეზონი უფერული გამოდგა, მაგრამ ეს ვერ დაჩრდილავ იმ საუკეთესო მიღწევებს, რომელიც იტალიელმა გუნდში დააფიქსირა.

Gracias Carlo!