„რეალი“ მარცხენა მცველს აუცილებლად დაიმატებს. სამეფო კლუბის ხელმძღვანელობა არაერთ ფეხბურთელს განიხილავს, ჩაბი ალონსოს კი საკუთარი ფავორიტი ჰყავს.

ალონსო „ლევერკუზენის“ განაპირა მცველის, გრიმალდოს გარსიას კანდიდატურას განიხილავს და „რეალს“ თხოვს, რომ სწორედ ესპანელი ფეხბურთელი უყიდოს.

შემაფერხებელი ფაქტორი ამ შემთხვევაში „ლევერკუზენის“ ფეხბურთელის ასაკია, ის უკვე 29 წლის არის, შესაბამისად, გრძელვადიანი პერსპექტივით მისი დამატება შეუძლებელია.

ალეხანდროს ფასი დაახლოებით 40 მილიონი ევროა. ის კარგ სისწრაფეს, ტექნიკას და საშემსრულებლო ოსტატობას ფლობს, თუმცა ისიც ფაქტია, რომ 40 მილიონად ან ცოტა მეტად, ალვარო კარერასის და სხვების დამატებაც შესაძლებელია, მათზე კი მრავალწლიანი გათვლის გაკეთება არის შესაძლებელი.