მიუხედავად იმისა, რომ „ბარსელონასთან“ მარცხმა მადრიდელებს კიდევ ერთხელ დაწყვიტა გული, ანჩელოტიმ საიუბილეო შეხვედრა ჩაატარა და ეს დღე ისტორიაში მაინც შევა.

იტალიელი სპეციალისტის მწვრთნელობის ორი ეტაპის განმავლობაში უკვე 350 მატჩი ჩაიწერა აქტივში.

აღსანიშნავია, რომ 350-იდან 247 შეხვედრა კარლოს გუნდმა მოიგო, 50 ფრედ დაასრულა და 53 წააგო.

ჩატარებული მატჩების რაოდენობის მიხედვით, ანჩელოტი მხოლოდ ლეგენდარულ მიგელ მუნიოსს ჩამორჩება, რომელსაც გუნდი მოედანზე გაყვანილი 605-ჯერ ჰყავდა.

რაც შეეხება განაწილებას ჩემპიონატების მიხედვით. 350 მატჩიდან 225 ლა ლიგაზე მოდის, 77 ჩემპიონთა ლიგაზე, 30 სამეფო თასზე, 10 ესპანეთის სუპერთასზე, 5 მსოფლიო საკლუბო ჩემპიონატზე და 3 ევროპის სუპერთასზე.

კარლო ანჩელოტი „რეალის“ ისტორიის ყველაზე ტიტულოვანი მწვრთნელია, მის ანგარიშზე 15 თასი ფიქსირდება, მათ შორის 3 ჩემპიონთა ლიგის არის.