„მარკას“ ინფორმაციით, ფლორენტინო პერესს უკვე მტკიცედ აქვს გადაწყვეტილი, რომ 2025 წლის ზაფხულის სატრანსფერო ფანჯრის დროს მცველი დაიმატოს.

დავიდ ალაბა მაღალი ალბათობით გუნდს დატოვებს, ანტონიო რუდიგერის და მილიტაოს დაბრუნებას კი დრო დასჭირდება და არავინ იცის, როგორ ფორმაში იქნებიან ისინი. განსაკუთრებით ამის თქმა ედერზე შეიძლება, რომელმაც 2 წლის განმავლობაში 2-ჯერ გაიწყვიტა ჯვარედინი მყესი, ეს კი მის სისწრაფეზე ყველა შემთხვევაში იმოქმედებს.

მიუხედავად ჟოან მარტინესის დაბრუნებისა, მიუხედავად რაულ ასენსიოს გამოჩენისა და ხაკობო რამონის პერსპექტივისა, „რეალს“ სჭირდება ტოპ კლასის ცენტრალური მცველი და ამაში ფლორენტინო დარწმუნდა.

ჰოისენის, ვილიამ სალიბას და სხვა მცველების გვარები არსად გამქრალა, მაგრამ მადრიდული გრანდის ხელმძღვანელობა ინტერესთა არელას აფართოვებს და სხვა მიმართულებებით მუშაობასაც გეგმავს.

პერესს სურს, რომ ივლისის შუა რიცხვებამდე „რეალის“ დაცვაში მნიშვნელოვანი სიძლიერე შეიტანოს, ეს კი ტრენტის შემდეგ, მარცხენა და ცენტრალური მცველის დამატებაში უნდა გამოიხატოს.