მადრიდის „რეალში“ „ბარსელონასთან“ დაპირისპირებისთვის ძალიან სერიოზულად ემზადებოდნენ, ფრან გარსიამ კი იცოდა, რომ სასტარტო შემადგენლობაში ითამაშებდა და ლამინ იამალთან მოუწევდა ბრძოლა.

ფრანი უკვე რამდენიმე დღეა „ბარსელონას“ დაპირისპირებებს ადევნებს თვალს და ლამინის მოძრაობებს სწავლობს, მას უკვე აქვს გაკეთებული კონკრეტული აქცენტები.

გარსიამ რამდენჯერმე უყურა „ინტერისა“ და კატალონიური გრანდის ორივე დაპირისპირება, სადაც დი მარკო და სხვა მოთამაშეები ესპანელი ახალგაზრდის წინაარმდეგ წარმატებით გამოდიოდნენ.

კარლო ანჩელოტის დავალებით, სამეფო კლუბის ანალიტიკოსებმა კატალონიელთა სქემები ზედმიწევნით შეისწავლეს და იმედი აქვთ, რომ ეს მიდგომა შედეგს გამოიღებს.

როგორც არ უნდა დასრულდეს „ელ კლასიკო“, ამ სეზონში „ბარსელონას“ სამეფო კლუბთან დიდი უპირატესობა აქვს, თუმცა დღევანდელი „ელ კლასიკოს“ მოგება ნამდვილად არის პრესტიჟის საქმე, თანაც იმ ფონზე, როდესაც შემადგენლობის მხრივ გუნდში სერიოზული პრობლემებია.