ვიქტორ გიოკერეშის მიმართ მადრიდის „რეალის“ ინტერესი იზრდება. ამ ინფორმაციას კი ის გარემოება ცხადჰყოფს, რომ საქმეში ჩაერთო ფლორენტინო პერესის ყველაზე დიდი ნდობით აღჭურვილი პირი ხუნი კალაფატი.

კალაფატმა პირად კონტროლზე აიყვანა მოლაპარაკებების გეგმა, რომელიც გიოკერეშთან დაკავშირებით შემუშავდა.

მადრიდული გრანდი „სპორტინგის“ შემტევის სანაცვლოდ 70 მილიონი ევროს გადახდას გეგმავს, ეს კი სოლიდური თანხაა.

გიოკერეშის მიერ, ამ სეზონში ნაჩვენები შედეგები მართლაც საოცარია და არც „ბლანკოსის“ ინტერესი გახლავთ არალეგიტიმური.

არსებული ცნობით, ვიქტორის დამატებაზე პრეტენზიას მანჩესტერ „იუნაიტედიც“ აცხადებს, რომლის მთავარი მწვრთნელიც „სპორტინგში“ სწორედ წინახაზელთან ერთად მუშაობდა.

Confidencial-ის ცნობით, ხუნი კალაფატი ივნისის ბოლოს ფლორენტინო პერესს სპეციალურ მოხსენებას წარუდგენს, რომელიც ტრანსფერთან დაკავშირებით კონკრეტულ ნაბიჯებს ასახავს.