მადრიდის რეალის ფორვარდმა, კარიმ ბენზემამ განაცხადა, რომ ჟოზე მოურინიოსთან არანაირი პრობლემა არ აქვს.

ფრანგმა ფორვარდმა სამშაბათს ესპანიოლის კარის დალაშქვრა მოახერხა. მიმდინარე სეზონში ეს გოლი კარიმისთვის პირველი იყო. ახალგაზრდა ფეხბურთელს შესაძლოა ბერნაბეუ დაეტოვებინა. ბენზემა სამეფო კლუბში გასულ სეზონში ლიონის ოლიმპიკიდან 35 მილ.ევროდ გადმოვიდა. მისი პირველი სეზონი წარმატებული ნამდვილად არ იყო.

"ჩვენ ბევრს ვსაუბრობთ. მე მოურინიოსთან არანაირი პრობლემა არ მაქვს. მას მე მოვწონვარ და ვიცი, რომ მენდობა. ჟოზე ძალიან მომთხოვია, რაც იმას ნიშნავს, რომ მას ჩემი იმედი აქვს.” განუცხადა ბენზემამ L'Equipe-ს".

ინფორმაციის წყარო:goal.com