ფლიკი:„გაბრაზებულები ვართ და ამის „რეალის“ წინააღმდეგ გამოყენებას ვგეგმავთ“
ჰანსი ფლიკმა „ელ კლასიკოს“ წინ პრესკონფერენცია გამართა.
„ხვალინდელ დაპირისპირებაში კარის უსაფრთხოებაზე კვლავ შესნი იზრუნებს, ტერ შტეგენი სათადარიგო სკამზე იქნება.“
„„ინტერთან“ წაგებამ ჩვენ ძალიან ცუდი დაღი დაგვასვა, მაგრამ გაბრაზებულები ვართ და ვეცდებით, ეს ემოცია „რეალის“ წინააღმდეგ გამოვიყენოთ.“
„ბოლო თვეებში „ბარსელონამ“ არნახული პროგრესი აჩვენა. მე კმაყოფილი ვარ ყველა ფეხბურთელის პროგრესით.“
„ვიცი, რომ „რეალი“ გამარჯვებას ეცდება, ვინაიდან თუნდაც ფრე, „ბარსელონას“ უპირატესობას კოლოსალურს გახდის და ლა ლიგის მოგებამდე მარტივად მიიყვანს.“
„ჩვენ მოტივაცია არ გვაკლია. ვიცით, რომ გამარჯვებას უდიდესი მნიშვნელობა აქვს და მზად ვართ, სამეფო კლუბთან კიდევ ერთხელ მივაღწიოთ წარმატებას.“
„ლევანდოვსკი სათადარიგო სკამზე იჯდება, ვინაიდან მას 90 წუთის ჩატარება არ შეუძლია.“
„ინიგო? ის კვლავ პროგრესირებს. ყველაზე მნიშვნელოვანი მარტინესის ბრძოლისუნარიანობაა.“
„„ელ კლასიკო“ ყოველთვის დიდ ინტერესს იწვევს. მჯერა, რომ კარგი მატჩი გამოვა და ჩვენ გავიმარჯვებთ.“
- 10 მაი 2025
- 3 493
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
