კონკრეტული დავალებები 3-4-3 სისტემაში!
„მარკა“, „ას“-ი, ასევე არაერთი მადრიდული და არამადრიდული გამოცემა იუწყება, რომ ჩაბი ალონსო მადრიდის „რეალში“ ბევრ სიახლეს დაამკვიდრებს და ეს პირველ რიგში სათამაშო სისტემას შეეხება.
რატომ 3-4-3? იმიტომ, რომ ეს ალონსოს ხელწერაა, რომელმაც „რეალში“ ახალი სისტემა უნდა ჩამოაყალიბოს. ბასკი სპეციალისტი მიიჩნევს, რომ ფეხბურთელებმა კონკრეტული დავალებები უნდა მიიღონ, რომელსაც გაწერილი წესების მიხედვით შეასრულებენ.
3-4-3 სისტემაში დაცვის ცენტრში ამ ფორმაციისთვის რუდიგერის, მილიტაოს და რაულ ასენსიოს გამოყენება განიხილება. ამასთანავე „რეალი“ მუშაობს ვილიამ სალიბაზე და თუ ფრანგი ბერნაბეუზე ჩავა, შესაძლოა რამე შეიცვალოს.
რაც შეეხება ფლანგებს. ჩაბის ფორმაციის „რეალში“ მარცხენა და მარჯვენა ფლანგელებს, როგორც დაცვაში, ასევე შეტევაში დიდი საქმე ევალებათ. ამ მხრივ ტრენტ ალექსანდერ არნოლდის გამადრიდელება მნიშვნელოვანია, მარცხენა ფლანგზე კი სერიოზულად არის სამუშაო.
ალონსოს ფორმაციის „რეალში“ ნახევარდაცვის ხაზში მთავარი მიზანი ბურთის ტოტალური კონტროლი, კრეატივის შექმნა და თამაშის მაქსიმალური გაშლა იქნება, რასაც თავის მხრივ მოყვება სწრაფი შემტევების ქმედებები.
ჩაბი მიიჩნევს, რომ ვინისიუს ჟუნიორის, მბაპეს, როდრიგოს და სხვების სისწრაფეების გამოყენება აუცილებელია, სწორედ ამიტომ, სწორი ტაქტიკური მონახაზი „ბლანკოსის“ ექსტრა კლასის შემტევებს დამატებით შესაძლებლობებს მისცემს.
ყოველივე ზემოაღნიშნული ჯერ კიდევ გეგმაა, რომელიც ფურცელზე წერია, პრაქტიკაში კი ზაფხულიდან უნდა განხორციელდეს. მადრიდში ჩასვლის შემდეგ ალონსოს ხედვებში კიდევ უფრო მეტი სიცხადე შევა.
- 10 მაი 2025
- 1 741
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
