არაერთი ავტორიტეტული გამოცემა იუწყება, რომ ჩაბი ალონსო მადრიდის „რეალში“ სრულიად ახალ სისტემას დანერგავს, რომელიც გუნდს აქამდე არ გამოუეყენებია, ამისთვის ფლანგის კარგი მცველებია საჭირო.

3-4-3 სისტემაში როგორც მარცხენა, ასევე მარჯვენა მცველზე ძალიან დიდი ზეწოლა წამოვა, სწორედ ამიტომ, ფლორენტინო პერესს აქტიურობა მოუწევს.

მარჯვენა ფლანგს კარვახალი და ტრენტი დააკომპლექტებენ, მარცხნივ კი სამუშაო ბევრია.

Bernabeudigital-ის ინფორმაციით, „ბლანკოსის“ მთავარი პრიორიტეტები ტეო ერნანდესი და მილოშ კერკეზი არიან. ორივე მოთამაშეს შეუძლია სირბილი, ასევე დაცვაში მწყობრად თამაში და შეტევებში სიმწვავის შეტანა.

დღეს გავრცელებული ინფორმაციით, ფლორენტინო პერესმა „მილანთან“ კომუნიკაციის დამყარების დავალება უკვე გასცა. „რეალი“ ტეო ერნანდესზე მუშაობას უკვე დაიწყებს.

რაც შეეხება კერკეზს, „ბორნმუთის“ ფეხბურთელს პრემიერლიგაში დარჩენის პესპექტივა იზიდავს, სწორედ ამიტომ, შესაძლოა „სიტიში“,  ან „ლივერპულში“ აღმოჩნდეს, თუმცა „მერენგები“ ამ მიმართულებითაც სერიოზულად მუშაობენ. მადრიდში ეჭვი არ ეპარებათ, რომ კერკეზი „რეალსაც“ დათანხმდება, ვინაიდან ხვდება, რომ უმალვე მოუწევს სასტარტო შემადგენლობაში თამაში.