ახალგაზრდა ნიდერლანდელი ჟორელ ჰატო მადრიდის „რეალის“ რადარზეა.

„აიაქსის“ 19 წლის მოთამაშე „ბლანკოსის“ გარდა „ინტერს“, „იუვენტუსს“ და პრემიერლიგის რამდენიმე კლუბსაც აინტერესებს.

არსებული ინფორმაციით, ფეხბურთელის გარემოცვამ „რეალის“ ინტერესის შესახებ იცის და მოლაპარაკებების დასაწყებად მზად არის, თუმცა სეზონის დასრულებას ელოდება.

ამ ეტაპისთვის ჰატოს ფასი 30 მილიონ ევროს შეადგენს და საკმაოდ მზარდი ტენდენცია შეინიშნება.