ბრაჰიმ დიასს 5-ზე მეტი მსურველი ჰყავს, თუმცა მადრიდის „რეალის“ ხელმძღვანელობა არ ჩქარობს.

ფლორენტინო პერესს სურს, რომ მაროკოელ ფეხბურთელთან დაკავშირებით პოზიცია ჩაბი ალონსოსგან მოისმინოს.

თუ ალონსო ბრაჰიმზე გათვლას გააკეთებს, „ბლანკოსი“ მას არ გაყიდის, სხვა შემთხვევასი კი მოლაპარაკებებს დათანხმდება, ვინაიდან ამ ეტაპისთვის შემოთავაზებები 50-იდან 60 მილიონ ევრომდე მერყეობს.

დიასის კანდიდატურით ყველაზე მეტად იტალიური კლუბები არიან დაინტერესებულები, მათ შორის არის „მილანიც“, რომელშიც მოთამაშემ არნახული პროგრესი აჩვენა და სერია A-საც გაუგო გემო.