სამეფო კლუბი დაბლოკავს ყველა წინადადებას, რომელიც ენდრიკ ფელიპთან დაკავშირებით იქნება წამოჭრილი.

ფლორენტინო პერესს და „ბლანკოსის“ დირექტორთა საბჭოს ბრაზილიელ ფეხბურთელთან დაკავშირებით ერთი პოზიცია აქვთ.

ენდრიკი უნდა იყოს „რეალის“ აწმყო და მომავალი. მადრიდში მიიჩნევენ, რომ ფელიპე ამ სეზონში ანჩელოტიმ ვერ გამოიყენა, მომავალი სეზონიდან კი მას გაცილებით მეტი დრო უნდა მიეცეს.

გუნდები, რომელიც ენდრიკის დამატებით ინტერესდებიან, „რეალთან“ კავშირს ვერ დაამყარებენ.

რაც შეეხება იჯარას. ეს საკითხი განხილვას მხოლოდ იმ შემთხვევაში დაექვემდებარება, თუ ვადა მხოლოდ 1 წლით განისაზღვრება, ხელშეკრულებაში გამოსყიდვის უფლება არ ჩაიდება და მოთამაშე ლა ლიგაში დარჩება.

„მარკას“ ინფორმაციით, ალონსოს ენდრიკთან დაკავშირებით საკუთარი პოზიცია ჯერ არ დაუფიქსირებია, ვინაიდან ის ფეხბურთელს არ იცნობს.