ესპანური გამოცემების ცნობით, მადრიდის „რეალი“ პრემიერლიგიდან 2 ფეხბურთელის დასამატებლად 100 მილიონ ევროს ამზადებს.

როგორც ჩანს, ყველაზე დიდ გაძლიერებას გუნდი სწორედ ინგლისიდან მიიღებს. ტრენტ ალექსანდერ არნოლდის ტრანსფერი უკვე დახურულია, ახლა კი ფლორენტინოს მიზანი მილოშ კერკეზის და დიდ ჰოისენის ტრანსფერების სრულყოფაა.

მადრიდში მიიჩნევენ, რომ ორივე ტრანსფერის დასახურად 100 მილიონი ევრო იქნება საჭირო და პერესი ამაზე სერიოზულად ფიქრობს. თუ „ბლანკოსი“ ორივე მოთამაშეს დაიმატებს, დაცვაში არსებულ ყველა პრობლემას დაუსვამს წერტილს, ვინაიდან ეყოლება, როგორც ფლანგის მცველები, ასევე ცენტრალური მცველი.

Relevo-ს ცნობით, მადრიდელები „ბორნმუთთან“ სერიოზულ მოლაპარაკებაში შედიან.