ლუკას ვასკესი მსოფლიო საკლუბო ჩემპიონატის დასრულების შემდეგ მადრიდის „რეალის“ რიგებს დატოვებს.

ახალ სეზონში „ბლანკოსი“ გათვლას კარვახალზე და ტრენტ ალექსანდერ არნოლდზე გააკეთებს. ამ უკანასკნელის გამადრიდელება, ესპანელი ფეხბურთელისთვის გადაწყვეტილების მიღების საფუძველი გახდა.

თავის მხრივ, მადრიდის „რეალი“ ესპანელს არ ეწინააღმდეგება და არც ახალ ხელშეკრულებას სთავაზობს.

ლუკასი რამდენიმე წინადადებას განიხილავს, თუმცა არსებობს დიდი შანსი იმისა, რომ ის საუდის არაბეთში წავიდეს.