კარლო ანჩელოტიმ „სელტასთან“ გამარჯვების შემდეგ პრესკონფერენცია გამართა.

„რაულ ასენსიო ძალიან დაიღალა და თამაშის გაგრძელება აღარ შეეძლო. ჩემი გადაწყვეტილება ესპანელი ფეხბურთელის შეცვლასთან დაკავშირებით სწორედ ამიტომ მივიღე.“

„პირველ ტაიმში დამაჯერებლები ვიყავით, მეორე ნახევარში კი სიტუაცია აირია. ჩვენ გამარჯვება ნამდვილად დავიმსახურეთ.“

„არდა გიულერი პროგრესს აჩვენებს. თურქი ფეხბურთელი შესანიშნავი იყო და 3 ქულის მოპოვებაში უდიდესი წვლილი შეიტანა. არდა არასდროს კარგად პროფესიონალიზმს და საკუთარ კლასს.“

„ლა ლიგა ახლა „ბარსელონას“ ხელშია, მაგრამ თუ ჩვენ „ელ კლასიკოს“ მოვიგებთ, კარგი შანსი გაგვიჩნდება. გუნდი ყველაფერს იღონებს წარმატების მისაღწევად. პირობას გაძლევთ, რომ 11 მაისს მადრიდული გრანდი საუკეთესო ფეხბურთის ჩვენებას შეეცდება.“

„ძალიან სერიოზული შეხვედრა გველის, მოსამზადებლად კი საკმარისი დრო გვაქვს. „ლა კოპას“ ფინალში ჩვენ ახლოს ვიყავით გამარჯვებასთან, მაგრამ ბოლოს არ გაგვიმართლა.“

„კილიანი კატალონიელთა წინააღმდეგ ყოველთვის ახერხებს ეფექტურ თამაშს. ვიმედოვნებ, 11-შიც ასე იქნება.“

„არდა გიულერი ნამდვილად იბრძოლებს „ბარსელონას“ წინააღმდეგ სასტარტო შემადგენლობაში მოსახვედრად.“

„როდრიგო მალე დაგვიბრუნდება, მას დაზიანება არ აქვს.“

„კურტუა დღესდღეობით მსოფლიოს საუკეთესო კარის დარაჯია. ის უკვე წლებია ამ სტატუსს ინარჩუნებს. არ ვიცი, არის თუ არა ბელგიელი საუკეთესო მათ შორის, ვინც კარიერის მანძილზე გამიწვრთნია. მე მიმუშავია ჯიჯისთან, დიდასთან, კასილასთან, ნოიერთან, ჩეხთან და პიკფორდთან. დამეთანხმებით, ყველა ძალიან ძლიერი იყო.“

„ბოლო თვეებში გიულერის წინსვლა აშკარაა, როგორც ფიზიკური, ასევე სათამაშო თვალსაზრისით,  მან ძალიან მოუმატა.“