მადრიდის „რეალის“ შემადგენლობაში ისედაც დიდი პრობლემებია, „ელ კლასიკოს“ გამოტოვების საშიშროების წინაშე კი დამატებით ლუკას ვასკესი, ორელიან ჩუამენი და დანი სებალიოსი დგანან.

სამივე ზემოხსენებულ ფეხბურთელს 4-4 ყვითელი ბარათი აქვს მიღებული, რაც იმას ნიშნავს, რომ „სელტასთან“ გაფრთხილების შემთხვევაში „ელ კლასიკოს“ გამოტოვებენ.

იმ ფონზე, რომ დაცვაში არსებული კატასტროფული მდგომარეობის გამო ორელიან ჩუამენი ცენტრალურ მცველად განიხილება, მას ყველაზე მეტი ყურადღება მართებს.