არდა გიულერი მადრიდში აბსოლუტურად ადაპტირებულია. თურქი ფეხბურთელი უკვე 2 წელია მადრიდში ცხოვრობს და შეჩვევის ეტაპმდე უკვე დიდი ხანია გადაიარა, ახლა მოთამაშის მოთხოვნები იზრდება.

არდა ჩაბი ალონსოს ელოდება, რომელსაც თავის მხრივ, თურქის წაყვანა „ლევერკუზენში“ სურდა და სათამაშო გარანტიებსაც პირდებოდა, თუმცა უნდა აღინიშნოს, რომ იქ სხვა მოცემულობა, „რეალში“ კი განსხვავებული კონკურენცია იქნება.

მიმდინარე სეზონში არდას ანგარიშზე 1388 წუთია, რაც 38 დაპირისპირებაზე მოდის, ეს კი იმას ნიშნავს, რომ თითო შეხვედრაში ძალიან ცოტა სათამაშო დროს იღებს.

ლა ლიგის მომდევნო ტურებსა და მსოფლიო საკლუბო ჩემპიონატზე თურქისთვის გაცილებით მეტი დროის მიცემა იგეგმება, მაგრამ ეს არაფერს შეცვლის.

არდა უკვე მივიდა იმ ეტაპამდე, რომ გარანტიები მოითხოვოს. თუ „რეალში“ მას კვლავ ღმრმა სათადარიგო მოთამაშედ მოიაზრებენ, თურქი განიხილავს არაერთ წინადადებას, რომელიც სხვადასხვა ჩემპიონატიდან არსებობს.