მადრიდის „ატლეტიკოსთვის“ ლა ლიგის მიმდინარე ტური წარუმატებელი აღმოჩნდა. დიეგო სიმეონეს გუნდი „ალავესთან“ შეხვედრაში ნულოვან ფრეს დასჯერდა.

34-ე ტურის შემდეგ „როხიბლანკოს“ ანგარიშზე 67 ქულაა და 5 ქულით ჩამორჩება „რეალს“, თუმცა სამეფო კლუბი ხვალინდელი შეხვედრის მოგების შემთხვევაში „ატლეტიკოსთან“ სხვაობას 8 ქულამდე გაზრდის.

ის, რომ „ატლეტიკოს“ საჩემპიონო ბრძოლისთვის თავი უკვე დანებებული აქვს ფაქტია, თუმცა ახლა საკითხავია, შეძლებს თუ არა მეორე მადრიდული გრანდი მესამე პოზიციის შენარჩუნებას, ვინაიდან მეოთხეადგილოსან „ბილბაოს“ 60 ქულა და 1 შეხვედრა აქვს რეზერვში.