მადრიდის „რეალის“ ფეხბურთელებმა ფინალური ვარჯიში გამართეს.

ვიგოელების მისაღებად ყველაფერი მზად არის. აღსანიშნავია, რომ დღევანდელ სესიაზე სრულფასოვანი დატვირთვა მიიღო ჯუდ ბელინგემმა, რომელსაც დისკომფორტი ჰქონდა და მისი თამაში „სელტას“ წინააღმდეგ საეჭვო იყო.

სესიაზე დიდი ყურადღება დაეთმო მოკლე სივრცეში ზუსტ თამაშს, ტაქტიკურ მონახაზებს, კარში დარტყმებს და პრესინგს.

აღსანიშნავია, რომ კარლო ანჩელოტიმ რამდენიმე კანტერანო გამოიძახა. დღეს გუნდთან ერთად იყვნენ ლორენი, იუსი, ჯაკობო, მესტრე და ჩემა.

ტრავმირებული მოთამაშეების აღდგენითი პროცესი გრძელდება.