ჩაბი ალონსომ გერმანულ მედიასთან შეხვედრისას მომავალთან დაკავშირებით კვლავ ისაუბრა.

„2 თვის წინ გითხარით, რომ სეზონის დასრულებამდე არანაირი განცხადების გაკეთებას არ ვაპირებდი.“

„მე პროფესიონალი ვარ და პატივს ვცემ კლუბს, რომლის მთავარი მწვრთნელიც გახლავართ.“

„პირობას არ ვცვლი, არც განცხადებას გავაკეთებ.“

„როდესაც საჭიროება დადგება, შემდეგ ვისაუბრებ, ახლა არც სხვა კლუბებთან მოლაპარაკებების შესახებ საუბარი მსურს და არც მომავალთან დაკავშირებით. ჩემი გეგმა ყველა იმ მატჩის მოგებაა, რომელიც ამ სეზონში გვაქვს დარჩენილი.“