მადრიდული გამოცემების ცნობით, ბრაზილიის ფეხბურთის ფედერაცია გუშინ კარლო ანჩელოტის კიდევ ერთხელ დაუკავშირდა.

სამხრეთ-ამერიკელებმა კარლოს ვადა განუსაზღვრეს. ბრაზილიელები იტალიელისგან საბოლოო პასუხს 12 მაისს მოითხოვენ.

თუ ანჩელოტი 12 მაისს პასუხის გაცემისგან თავს შეიკავებს, ეს ავტომატურად ჩაითვლება, როგორც უარი.

ბრაზილიელები მიიჩნევენ, რომ 11 მაისის „ელ კლასიკომდე“ სიტუაციის შეცვლას აზრი არ აქვს, რადგან კარლოს ყურადღება სწორედ „ბარსელონასთან“ შეხვედრაზეა გადატანილი, ამ მატჩის შემდეგ კი ყველაფერი შეიცვლება.

თავის მხრივ, იტალიელ სპეციალისტს ფლორენტინო პერესთან აღნიშნული საკითხი შეთანხმებული აქვს და სამხრეთ-ამერიკელებთან მოლაპარაკებების წარმოების უფლებას ფლობს.