მადრიდული გამოცემების ცნობით, „რეალის“ მაქსიმალური ბიუჯეტი 2025 წლის ზაფხულის სატრანსფერო ფანჯრისთვის 300 მილიონი ევრო იქნება.

ფლორენტინო პერესი ჩაბი ალონსოს 6 მოთამაშის გამადრიდელებას პირდება და ასევე აცნობიერებს, რომ განახლების გარეშე ამ გუნდს რესურსი ამოწურული აქვს.

„მერენგები“ იმუშავებენ, როგორც დაცვის ცენტრის და ფლანგების, ასევე ნახევარდაცვის და თავდასხმის გაძლიერებაზე.

ტრენტ ალექსანდერ არნოლდთან ერთად, „ბლანკოსის“ გაფართოებულ სიაში არიან მილოშ კერკეზი, სალიბა, დინ ჰოისენი, მარტინ სუბიმენდი, ენცო ფერნანდესი, ფლორიან ვირცი, მასტანტუონო და კიდევ რამდენიმე მოთამაშე.

ასევე ვრცელდება ინფორმაცია, რომლის მიხედვითაც, თუ „ბლანკოსიდან“ როდრიგო გოეში წავა, მადრიდული გრანდის უმაღლესი კლასის შემტევის დამატებაზეც იზრუნებს.