კარლო ანჩელოტის განკარგულებაში „რეალის“ დაცვის ხაზში ძალიან ცოტა ფეხბურთელია.

ამ ეტაპისთვის ტრავმირებულთა სიაში არიან ედერ მილიტაო, დანი კარვახალი, დავიდ ალაბა, ფერლან მენდი და ანტონიო რუდიგერი.

ანჩელოტის ალტერნატივა ფაქტობრივად აღარ რჩება, სწორედ ამიტომ, მაღალი ალბათობით მომდევნო ტურებს დაცვის ცენტრში ჩაატარებს ორელიან ჩუამენი, თუმცა ისიც უნდა აღინიშნოს, რომ ფრანგ მოთამაშეს 4 ყვითელი ბარათი აქვს და კიდევ  ერთხელ გაფრთხილების შემთხვევაში ერთ დაპირისპირებას გამოტოვებს.

გუნდში იგეგმება ჯაკობო რამონის გადაყვანა, ასევე სამზადისს გადიან ძმები აგუადოები და კიდევ ორი კანტერანო.

ლა ლიგის დარჩენილ 5 ტურსა და მსოფლიო საკლუბო მუნდიალზე, „რეალის“ დაცვა ნამდვილად ექსპერიმენტალური ფორმაციის იქნება.