ესპანური გამოცემების ცნობით, დღეს დღის მეორე ნახევარში ფლორენტინო პერესი და გუნდის გენერალური დირექტორი კიდევ ერთ შეხვედრას გამართავენ კარლო ანჩელოტისთან.

„რეალის“ ხელმძღვანელობა შეშფოთებულია პრესაში გავრცელებული ინფორმაციებით, რომელიც კარლოსა და ბრაზილიის ნაკრების შეთანხმებას ეხება.

ფლორენტინო მიიჩნევს, რომ „ბლანკოსის“, როგორც უდიდესი ინსტიტუციის რეპუტაციული ზიანია.

ოფიციალური დოკუმენტით, ანჩელოტის „რეალთან“ კიდევ 13 თვიანი კონტრაქტი აკავშირებს, რაც მას სხვა გუნდებთან მოლაპარაკებების უფლებას არ აძლევს.

ის, რომ კარლო მიდის ყველასთვის ცნობილია, მაგრამ ბრაზილიურ მხარესთან ნაწარმოები მოლაპარაკებების შესახებ ინფორმაცია მხოლოდ მას შემდეგ უნდა გავრცელებულიყო, რაც „ბლანკოსი“ გამოაცხადებდა, რომ კარლოს ემშვიდობება.

არსებული ცნობით, ფლორენტინომ ანჩელოტისთვის მომდევნო წლის ხელფასის გადახდის გადაწყვეტილებაც გააუქმა.