ანდრეი ლუნინს მადრიდის „რეალიდან“ აბარგება სურს. უკრაინელმა კიპერმა საკუთარ აგენტს უკვე დაავალა სხვა კლუბებთან მოლაპარაკებების წარმოება.

ერთ-ერთი გუნდი, რომელიც ინტერესს იჩენს „გალათასარაია“, თუმცა მოლაპარაკებები ჯერ-ჯერობით არ დაწყებულა.

ლუნინის აგენტი და ფლორენტინო პერესისთვის კარგად ნაცნობი პერსონა ჟორჟე მენდეში სეზონის ბოლოს ესპანეთის დედაქალაქს ეწვევა და „ბლანკოსის“ გენერალურ დირექტორთან გამართავს შეხვედრას.

ლუნინი მადრიდში დარჩენას აღარ განიხილავს, „ბლანკოსმა“ კი მას გონივრული ფასი უნდა დაადოს.

ანდრეი მიიჩნევს, რომ მუდმივი ჯდომა სათადარიგო სკამზე, მის პროგრესს ხელს უშლის, სწორედ ამიტომ, გადაწყვეტილება რაც შეიძლება დროულად არის მისაღები.