მიუხედავად იმისა, რომ ტეო ერნანდესის „რეალში“ დაბრუნებაზე ბევრი იწერებოდა, ფლორენტინო პერესი „მილანის“ ფეხბურთელის 60 მილიონ ევროდ დამატებას არ განიხილავს.

მადრიდში მიიჩნევენ, რომ უმთავრესი კანდიდატი მილოშ კერკეზი უნდა იყოს, ხოლო ალტერნატივა მიგელ გუტიერესი, რომელმაც ასევე კარგი პროგრესი აჩვენა.

ფლორენტინო პერესი ფრან გარსიას გაყიდვას აპირებს, ფერლან მენდის მადრიდული მომავალი კი კვლავ გაურკვეველი რჩება.

ფაქტი ის არის, რომ ახალი მწვრთნელის პირობებში, „რეალის“ დაცვის ფლანგები აუცილებლად იქნება სახეცვლილი და გაუმჯობესებული.

რაც შეეხება ტეო ერნანდესს. მოთამაშის მარგი ქმედების კოეფიციენტი ბოლო თვეების განმავლობაში მნიშვნელოვნად არის შემცირებული, რაც „ბლანკოსის“ მესვეურებს არ გამორჩენიათ.