ესპანური გამოცემების ცნობით, ჩაბი ალონსო მადრიდის „რეალის“ შემადგენლობაში სერიოზულ ცვლილებებს გეგმავს, ჯუდ ბელინგემისთვის კი პოზიციის შეცვლას აპირებს.

ფეხბურთის ესპანელი სპეციალისტი მიიჩნევს, რომ ჯუდმა უკან უნდა დაიხიოს და საკუთარი უნარები ნახევარდაცვის ცენტრს მოახმაროს.

კარლო ანჩელოტი ჯუდი შემტევ ნახევარმცველად აქცია და ამ გადაწყვეტილებამ პირველ სეზონში საოცარი შედეგებიც გამოიღო, თუმცა ალონსოს მიდგომა განსხვავებულია.

ჩაბის აზრით, ინგლისელმა ფეხბურთელმა იმ პოზიციაზე უნდა ითამაშოს, რომელზეც „დორტმუნდში“ საკმაოდ დიდი წარმატებით თამაშობდა.

ბელინგემს შეუძლია ბურთის დაჭერა, განაწილება და აქვს კარგი ხედვა, ეს კი ცენტრალურ ნახევარდაცვას გაცილებით უფრო სჭირდება, ვიდრე შემტევებს.

ალონსოსთვის მიუღებელია თავდამსხმელების უკან იდგეს ფეხბურთელი, რომელსაც განსაკუთრებული სისწრაფე აქვს და საჭირო მომენტში სისწრაფეს ვერ ანვითარებს. ჯუდი არის  დინჯი მოთამაშე, რომელიც ბურთთან ადგილზე ბევრად უფრო ეფექტურია, ვიდრე სისწრაფეზე თამაშის დროს.

„მარკას“ ინფორმაციით, ალონსო ბელინგემის ადგილზე ფლორიან ვირცის გამოყენებას აპირებს, ეს კი იმას ნიშნავს, რომ გერმანელის ტრანსფერის შემთხვევაში, „რეალის“ ნახევარდაცვა სრულფასოვნად იქნება გადასხვაფერებული.