ანდრეი ლუნინი უკმაყოფილოა სიტუაციით, რომელიც „რეალშია“ შექმნილი.

სულ ცოტა ხნის წინ დაანონსდა, რომ  ტიბო კურტუა „ბლანკოსთან“ ახალ ხელშეკრულებას გააფორმებს და გუნდში კიდევ 3 წლით, 2028 წლის 30 ივნისამდე დარჩება.

ამდენი წლის დაკარკვა კი ლუნინის გეგმებში არ შედის. ასაკი უკრაინელ კარის დარაჯსაც ემატება და მის პროგრესს ხელი ეშლება.

„მარკას“ ინფორმაციით, სეზონის ბოლოს ლუნინისა და „რეალის“ გზების გაყრა სავარაუდოა.

ამ ეტაპისთვის ლუნინის გარემოცვა ახალ კლუბს ეძებს, სადაც უკრაინელი კარის დარაჯი პირველი მეკარე იქნება და მუდმივ სათამაშო პრაქტიკას მიიღებს.

კონტრაქტი, რომელიც 26 წლის ფეხბურთელს „მერენგებთან“ აკავშირებს 2030 წლის 30 ივნისამდეა ძალაში, თუმცა როგორც უკვე აღინიშა, მაღალი ალბათობით, ანდრეი გუნდს დატოვებს.