ტრენტ ალექსანდერ არნოლდმა „ლივერპულს“ უკვე მიმართა. ინგლისელი ფეხბურთელი არნე სლოტის გუნდის ხელმძღვანელობის ნებართვას ელოდება.

თუ მერსისაიდელები მარჯვენა მცველს ივნისის დასაწყისში გაათავისუფლებენ, „რეალი“ მას მაშინვე წარადგენს და მსოფლიო საკლუბო ჩემპიონატზეც წაიყვანს.

ტრენტი უარზე არ არის. ინგლისელი მიიჩნევს, რომ მსოფლიო მუნდიალი მას სწრაფ ადაპტაციაში შეუწყობს ხელს და ახალ სეზონს და პრე-სეზონს კიდევ უფრო ნაყოფიერად შეხვდება.

Daily Mail-ის ცნობით, არნოლდი არნე სლოტს უკვე ესაუბრა, ახლა საბოლოო სიტყვა „ლივერპულმა“ უნდა თქვას, რომელიც ინგლისის პრემიერლიგის ჩემპიონი უკვე გახდა და დარჩენილი მატჩები ფორმალურ ხასიათს ატარებს.