ესპანური გამოცემების ცნობით, მადრიდის „რეალსა“ და ტიბო კურტუას შორის ახალ კონტრაქტზე შეთანხმება ფაქტობრივად მოხდა.

ბელგიელ კიპერს მოქმედი ხელშეკრულება 2026 წლის 30 ივნისს ეწურება, თუმცა ახალი კონტრაქტით გუნდში 2028 წლის 30 ივნისამდე დარჩება.

კურტუა 32 წლის არის და 11 მაისს 33 წლის ხდება, ეს კი იმას ნიშნავს, რომ „რეალი“ დაარღვევს ბოლო წლების ტრადიციას, რომლის მიხედვითაც, 33 და მეტი ასაკის ფეხბურთელებს 1 წლიანზე მეტ კონტრაქტს არ უფორმებს.

ფლორენტინო პერესი მიიჩნევს, რომ ტიბოს შემთხვევაში გამონაკლისი აუცილებელია, რადგან მეკარისთვის 33 წელი ნიშანდობლივი ასაკი არ არის.

„მარკას“ ინფორმაციით, კურტუასთან შეთანხმება ოფიციალურად მალე დადასტურდება.