იურგენ კლოპთან მოლაპარაკებების წარმოება დიდ ვადებთან და სირთულეებთან არის დაკავშირებული, ფლორენტინო პერესისთვის კი ეს გარემოება მიუღებელია.

მიუხედავად იმისა, რომ პერესს გერმანელი სპეციალისტი ძალიან მოსწონს, მოვლენებს აჩქარებს და ჩაბი ალონსოზე აკეთებს აქცენტს.

ალონსოს ესპანელობა, საფეხბურთო ხედვა, მიდგომები და სატრანსფერო გეგმები „მერენგებთან“ სრულ თანხვედრაშია, სწორედ ამიტომ, სიტუაციის დაძაბვა ფლორენტინოს მიზანი არ არის.

კლოპი შესაძლოა განიხილებოდეს სამომავლო პესპექტივად, მაგრამ ის არ შეცვლის ანჩელოტის.

აბსოლუტურად ყველა ავტორიტეტული გამოცემა დარწმუნებით იუწყება, რომ გუნდს ჩაბი ჩაიბარებს, კლოპი კი სავარაუდოდ გააგრძელებს მუშაობას თანამდებობაზე, რომელიც სულ ცოტა ხნის წინ Red Bull-ში დაიკავა.