ანტონიო რუდიგერს აუცილებლად ელის მკაცრი სანქცია, რომელიც ლა ლიგაზე გავრცელდება, თუმცა იგივე საფრთხეში არ არიან ლუკას ვასკესი და ჯუდ ბელინგემი.

არსებული ვარაუდებით, ორივე მოთამაშე ორმატჩიან დისკვალიფიკაციას მიიღებს, მაგრამ ეს არ გავრცელდება ლა ლიგაზე და გავრცელდება მხოლოდ სამეფო თასზე.

აღნიშნული კი იმას ნიშნავს, რომ ინგლისელი და ესპანელი მომდევნო სეზონის „ლა კოპას“ საწყის 2 შეხვედრას გამოტოვებენ.

მატჩისშემდგომ ანგარიშში მსაჯმა ისაუბრა, როგორც ვასკესზე, ასევე ბელინგემზე, მაგრამ იქ არ არის გამოკვეთილი ისეთი გარემოებები, როგორიც რუდიგერის შემთხვევაში.

მადრიდისტების დისკვალიფიკაციების შესახებ ინფორმაცია მომდევნო 48 საათის განმავლობაში გახდება ცნობილი.