იმ შემთხვევაში, თუ კარლო ანჩელოტის სამეფო კლუბიდან სეზონის დასრულებამდე გაათავისუფლებენ, მას მთელი სამწვრთნელო შტაბი მიყვება.

დროებით მწვრთნელად სანტიაგო სოლარი და რაულ გონსალეს ბლანკო განიხილებიან, თუმცა მათი თანაშემწე არ იქნება დავიდე ანჩელოტი, ასევე ცვლილებას დაექვემდებარება მთელი შტაბი.

მადრიდელები ახლა გაურკვევლობაში არიან. თუ გუნდი ანჩელოტის გაუშვებს, ახალი კომპლექტაცია საკმაოდ რთული პროცესი იქნება.

დავიდეს წასვლა გადაწყვეტილი აქვს, ის გუნდიდან მამის გაშვებას ელოდება, შემდეგ კი მთავარ მწვრთნელობას გეგმავს.

Relevo-ს ცნობით, პერესი ახლა ჩაბი ალონსოსთან მოლაპარაკებების სწრაფად დასრულებაზეა კონცენტრირებული, თუმცა ისიც უნდა აღინიშნოს, რომ ჩაბის „რეალის“ მსოფლიო მუნდიალზე გაყვანა არ სურს და მუშაობის დაწყება პრე-სეზონიდან აქვს გადაწყვეტილი.