დე ბურგოს ბენგოეჩეა გახლავთ ესპანელი მსაჯი, რომელიც ყველაზე დიდ დაპირისპირებაშია მადრიდის „რეალთან“. ბოლოდროინდელმა არაერთმა საკამათო გადაწყვეტილებამ, წითელმა ბარათებმა და სამეფო კლუბის ფეხბურთელებთან შელაპარაკებამ მხარეებს შორის ურთიერთობა უკიდურესად დაძაბა.

მას შემდეგ, რაც გაიარკვა, რომ „ლა კოპას“ ფინალში სწორედ დე ბურგოსი დანიშნეს, ფლორენტინო პერესის წარმომადგენლობამ ესპანეთის ფეხბურთი ფედერაციას მიმართა და მსაჯის შეცვლა მოითხოვა.

მოთხოვნის დასაბუთება საკმაოდ არგუმენტირებულია, თუმცა ესპანეთში არცერთი არგუმენტი არ გაითვალისწინეს და ბენგოეჩეა მთავარ მსაჯად დატოვეს, რასაც თავად მსაჯის და სამსაჯო გაერთიანებების მხრიდან დამატებით მწვავე განცხადებები მოყვა.