4 ნახევარმცველი და ცვლილებები „ელ კლასიკოში“
კარლო ანჩელოტი „ელ კლასიკოში“ რამდენიმე ცვლილებას გეგმავს.
ფაქტობრივად დადასტურებულია, რომ ფედერიკო ვალვერდე მარჯვენა მცველად ითამაშებს, მარცხენა ფრთაზე კი ფერლან მენდის თამაში განიხილება. ფრანგი 100%-ით მზად არის და მოედანზე გასვლას ითხოვს.
კარლო ანჩელოტიმ „ხეტაფესთან“ მატჩის შემდეგ პრესკონფერენციაზე განაცხადა, რომ „ბარსელონას“ წინააღმდეგ ფრან გარსია დაიწყებდა, თუმცა მენდის ფიზიკური კონდიციები ოპტიმიზმის საშუალებას იძლევა.
ასევე ვრცელდება ინფორმაცია, რომლის მიხედვითაც, იტალიელი სპეციალისტი 4-4-2 სისტემას მიანიჭებს უპირატესობას და წინა ხაზს ვინისიუსი-მბაპეს დუექტი დააკომპლექტებს, ეს კი როდრიგოს სკამზე დასმას ნიშნავს.
რაც შეეხება ნახევარდაცვას. კარლო მოედნის ცენტრში სებალიოსის, მოდრიჩის, ჩუამენისა და ჯუდ ბელინგემის გამოყენებას გეგმავს.
- დღეს, 15:47
- 1 440
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
