კატალონიის „ბარსელონას“ პრეზიდენტმა, ჟოან ლაპორტამ მოახლოვებულ „ელ კლასიკოებთან“ დაკავშირებით ისაუბრა და განაცხადა, რომ მადრიდის „რეალის“ ორივე შეხვედრაში დამარცხება ძალიან მნიშვნელოვანი იქნება.

„ფინალი ურთულესია, სადაც ყველაფერი შეიძლება მოხდეს, მაგრამ ზუსტად ვიცი, რომ ჰანსი ფლიკის ფორმაციის „ბარსელონას“ ტრებლის შესრულება შეუძლია. ჩვენ უნდა მოვახერხოთ და გავიმარჯვოთ ყველგან.“

„მადრიდის „რეალის“ წინააღმდეგ ამ სეზონში შესანიშნავი შედეგები გვაქვს და ასე უნდა გავაგრძელოთ.“

„სევილიური ფინალი მეტისმეტად საინტერესო იქნება, ასევე უდიდესი მნიშვნელობა აქვს ლა ლიგის „ელ კლასიკოს“, რომლის მოგების შემთხვევაშიც, ესპანეთის ჩემპიონობას ფაქტობრივად გავინაღდებთ.“