ტიბო კურტუამ „ხეტაფესთან“ შეხვედრა შეაფასა.

„ამ არენაზე ასპარეზობა მარტივი არასდროს არის. „ხეტაფეს“ ფეხბურთელები მაქსიმალურად ცდილობდნენ ანგარიშის გათანაბრებას, ისინი ასევე ბრწყინვალედ კეტავდნენ ზონებს და საბოლოო ჯამში ჩვენს კრეატივს გასაქანის საშუალებას არ აძლევდნენ.“

„როდესაც ანგარიში გავხსენით, მეორე გოლის გატანა განვიზრახეთ, მაგრამ ფაქტია, რომ ვერ მოვახერხეთ.“

„მთავარი ის 3 ქულაა, რომელსაც უდიდესი მნიშვნელობა ჰქონდა. ლა ლიგის მოგებისთვის ბრძოლა გრძელდება, ამისთვის კი 11 მაისის „ელ კლასიკოც“ უნდა მოვიგოთ.“

„გუნდი ჩემპიონთა ლიგას გამოეთიშა, სწორედ ამიტომ, მაქსიმუმი უნდა გავიღოთ სამეფო თასისა და ლა ლიგის მოგებისთვის. ჩვენ აღფრთოვანებულები და ძალიან მოტივირებული ვხვდებით შეხვედრას, რომელიც 26 აპრილს არის ჩანიშნული.“